Dyddiadau: 14 a 15 Mawrth 2026

Ydych chi wastad wedi eisiau sgwennu am eich milltir sgwâr, ond yn ansicr lle i ddechrau? Ydych chi erioed wedi eisiau gwybod sut mae afonydd ac arfordir Aberystwyth wedi newid dros amser?

Sut allwn ni ‘ddarllen’ a ‘sgwennu’ tirwedd Aberystwyth? Pa ysbrydoliaeth allwn ni ei ganfod yn ei amgylchedd newidiol?

Ymunwch â sgwennwyr, artistiaid a daearyddwyr ar deithiau cerdded a gweithdai ysgrifennu creadigol er mwyn archwilio tirweddau newidiol afonydd ac arfordir Aberystwyth a dechrau taith sgwennu newydd.

Gallwch ddewis dod naill ai ar ddydd Sadwrn 14 Mawrth neu ddydd Sul 15 Mawrth neu’r ddau ddiwrnod – ac mae croeso i chi aros am yr wyth awr neu fynd a dod yn ôl eich dymuniad. Mae manylion pellach yn cynnwys yr amserlen i’w cael isod.

Does dim angen profiad blaenorol o ysgrifennu ac mae croeso mawr i bawb, gan gynnwys plant cyhyd a bod rhiant neu warcheidwad gyda nhw.

Mae’r gweithgareddau yn rhad ac am ddim ond mae nifer y llefydd yn gyfyngedig felly mae angen cofrestru ymlaen llaw trwy e-bostio hmg@aber.ac.uk erbyn diwedd dydd Mercher 11 Mawrth, gan nodi unrhyw anghenion dietegol neu hygyrched.

Bydd angen dillad addas ar gyfer y tywydd ac esgidiau cyffyrddus.

Mae’r digwyddiadau yma’n rhan o raglen o weithgareddau sy’n cael eu trefnu yn ystod mis Chwefror a mis Mawrth 2026 i ddathlu cydnabyddiaeth Aberystwyth Ceredigion fel Dinas Llên gyntaf Cymru. Mae manylion pellach am ddigwyddiadau’r Brifysgol i’w cael ar y wefan yma a gwybodaeth am bartneriaeth Dinas Llên ar eu gwefan nhw.

Mwy na dim ond llinell ar y map – Afon Rheidol

Taith gerdded a gweithgareddau creadigol dan ofal Nuala Dunn, Hywel Griffiths, Dewi Roberts, Brian Swaddling a Stephen Tooth.

Amserlen y dydd

12.30 – Cwrdd ger yr ‘Hut’ ar draeth y de

12.30-16.30 – taith gerdded a gweithgareddau creadigol ar hyd afon Rheidol

16.30-17.30 – lluniaeth yng Nghanolfan Arad Goch, Stryd y Baddon.

18.00-20.30 – gweithdy yng Nghanolfan Arad Goch, Stryd y Baddon.

Mae’r digwyddiad am ddim ond mae angen cadw lle ymlaen llaw trwy e-bostio hmg@aber.ac.uk erbyn 11 Mawrth, gan nodi unrhyw anghenion dietegol neu hygyrchedd.

Mwy na dim ond llinell ar y map: Arfordir Aber

Taith gerdded a gweithgareddau creadigol dan ofal Nuala Dunn, Hywel Griffiths, Dewi Roberts, Brian Swaddling a Stephen Tooth.

Amserlen y dydd

12.30 – Cwrdd ger yr ‘Hut’ ar draeth y de

12.30-16.30 – taith gerdded a gweithgareddau creadigol ar hyd y prom

16.30-17.30 – lluniaeth yng Nghanolfan Arad Goch, Stryd y Baddo.

18.00-20.30 – gweithdy yng Nghanolfan Arad Goch, Stryd y Baddon

Mae’r digwyddiad am ddim ond mae angen cadw lle ymlaen llaw trwy e-bostio hmg@aber.ac.uk erbyn 11 Mawrth, gan nodi unrhyw anghenion dietegol neu hygyrchedd.