Digwyddiadau’r Gorffennol
Wrth weithio ar brosiectau, mae’r Ganolfan Ddeialog yn defnyddio dulliau cyfnewid gwybodaeth a hwyluso trawsffurfiol i gefnogi effaith ymchwil y Brifysgol yn ogystal â’i hamcanion cenhadaeth ddinesig ac ymgysylltiad cyhoeddus. Dyma flas o’r digwyddiadau yr ydym wedi’u trefnu neu eu cefnogi fel rhan o’n rhaglen barhaus o weithgareddau.
Gorffennaf 2024
Sioe Frenhinol Cymru
Fe wnaeth y Ganolfan Ddeialog helpu i lunio ffocws ymchwil strategol i weithgareddau’r Brifysgol ar faes y sioe yn ystod yr wythnos, a oedd yn cynnwys digwyddiadau a oedd yn ymgysylltu â Llywodraeth Cymru a sectorau allweddol eraill.
Mehefin 2024
Rhaglen Hwyluswyr Gwadd
Gwestai cyntaf y Rhaglen Hwyluswyr Ymweld oedd Mary Robson o Brifysgol Durham, un o brif hwyluswyr creadigol y DG ym maes prosiectau ymchwil rhyngddisgyblaethol.
Yn ogystal â chynnal sesiynau briffio a chyfarfodydd, arweiniodd Mary ddau weithdy gydag ymchwilwyr.
Roedd y nail yn canolbwyntio ar adeiladu a hwyluso timau ymchwil cryf a gofalwyr tra bod y llall yn ystyried arferion gorau o ran cynnwys cleifion a’r cyhoedd mewn ymchwil feddygol.
Mai 2024
Gŵyl y Gelli
Yng Ngŵyl y Gelli eleni, fe wnaeth y Ganolfan Ddeialog lansio pecyn cymorth unigryw yn dangos sut y gall proses greadigol collage helpu pobl i ystyried materion pwysig.
Bu’r Ganolfan Ddeialog hefyd yn arwain y gwaith o gynllunio dau ddigwyddiad arall yng Ngŵyl y Gelli yn tynnu sylw at waith ymchwilwyr Prifysgol Aberystwyth, gan gynnwys canmlwyddiant Apêl Heddwch Menywod Cymru a gwyntyllu cwestiynau anghyfforddus ynghylch cadwraeth bioamrywiaeth.
07 Mawrth 2024
Sedd rheng flaen yn gohebu ar newid hinsawdd: Sgwrs gyda Golygydd Hinsawdd y BBC Justin Rowlatt
Trafodaeth hynod ddifyr ar effeithiau newid hinsawdd, yn ystyried trothwyon negyddol tyngedfenol ynghyd ag ambell lygedyn o obaith.
06 Mawrth 2024
Adrodd eich Stori Ymchwil
Ar 6 Mawrth 2024, daeth y Ganolfan Ddeialog â ffisegwyr, biolegwyr, damcaniaethwyr theatr, gwyddonwyr gwleidyddol ac arbenigwyr cynaliadwyedd at ei gilydd ar gyfer arbrawf. A allai gemau theatr ein helpu ni ym Mhrifysgol Aberystwyth i gysylltu ac adrodd straeon gwell am ein hymchwil? A allai’r dulliau hyn weithio yng Nghymru?
1-7 Tachwedd 2023
Hawlio Heddwch – Gŵyl Ymchwil Prifysgol Aberystwyth 2023
Am y tro cyntaf, bu’r Ganolfan Ddeialog yn gyfrifol yn 2023 am gydlynu Gŵyl Ymchwil y Brifysgol.
Ar draws rhaglen 7-diwrnod o drafodaethau, gweithdai, arddangosion ymchwil a gweithgareddau creadiogl, fe ddenodd yr ŵyl dros 600 o fynychwyr gan ddod ag ymchwilwyr ynghyd ag ystod o gymunedau gwahanol.
07 Medi 2023
Gweithdy Prosiect CAYC – Sut gall y trydydd sector ddylanwadu ar y llywodraeth
Cynhaliwyd dau weithdy wyneb yn wyneb unigryw i bawb oedd am gael eu clywed gan Lywodraeth Cymru.
Roedd y gweithdai’n tynnu ar ganfyddiadau ymchwil gan Dr. Amy Sanders ar sut y dylanwadodd sefydliadau trydydd sector ar Lywodraeth Cymru, sy’n golygu bod y technegau a’r awgrymiadau a ddysgwyd gan gyfranogwyr yn seiliedig ar dystiolaeth gadarn o’r ‘hyn a weithiodd’.
Awst 2023
Agoriad Tŷ Trafod
Mae’r lleoliad cyfoes yma ar gampws Penglais y Brifysgol yn fan lle gall ymchwilwyr, partneriaid allanol a chymunedau ddod ynghyd i drafod, cydweithio a rhannu gwybodaeth a syniadau.
Gydag ystod o osodiadau hyblyg, mae modd defnyddio ystafelloedd y Tŷ Trafod ar gyfer cyfarfodydd anffurfiol yn ogystal â digwyddiadau deialog a chyfnewid gwybodaeth.
Manylion pellach am Tŷ Trafod…
Gorffennaf 2023
Hyfforddiant Allanol
Ar y cyd â WISERD, cyflwyno hyfforddiant yng Nghaerdydd ar wrthsefyll polareiddio cymdeithasol a gwleidyddol.
07 September 2023
RWIF Project Workshop – How the third sector can influence government
Two unique in-person workshops were held for everyone who wanted to be heard by the Welsh Government.
The workshops drew on the findings of research by Dr. Amy Sanders on how third-sector organizations influenced the Welsh Government, meaning that the techniques and tips participants learned were based on sound evidence of ‘what worked’.
Mehefin 2023
Aberystwyth Ffyniannus
Cydweithrediad â’r FlourishCafe™ i edrych ar ffyrdd o gefnogi diwydiant creadigol, entrepreneuriaid a chymuned ffyniannus yn ardal Aberystwyth.
Mai – Mehefin 2023
Dylunio a Hwyluso
Digwyddiad ymchwil a chyfnewid gwybodaeth yn y Senedd ym Mae Caerdydd, yn dwyn ynghyd academyddion, gwleidyddion a mudiadau trydydd sector i drafod yr heriau a’r cyfleoedd ynghlwm wrth sicrhau bod Cymru yn Genedl Noddfa.
Mai – Mehefin 2023
Hyfforddiant Staff
Trefnu cyfleoedd hyfforddi i staff academaidd a gwasanaethau proffesiynol prifysgolion ar effaith polisi, hwyluso ac ymgysylltu â’r cyhoedd.
Ebrill 2023
Hwyluso Mewnol
Datblygu ac arwain gweithdy strategol ar gyfer Adran Gwleidyddiaeth Ryngwladol y Brifysgol. Mae cynigion tebyg ar gael fel rhan o’n gwasanaeth ymgynghori.
Mawrth 2023
Hyfforddi
Hyfforddiant un-i-un ar brosesau deialogaidd gydag ymchwilwyr yn arwain cymunedau ymarfer yn ymwneud â heneiddio iach a thrafnidiaeth.
Mawrth 2023
Deialogau Iechyd
Cynnal digwyddiadau i ddwyn ynghyd a chryfhau partneriaethau rhwng Bwrdd Iechyd Hywel Dda a’r Brifysgol.
Tach 2022 – Ebrill 2023
Prosiectau RWIF
Darparu cyllid sbarduno trwy Gronfa Arloesi Ymchwil Cymru (CAYC) Cyngor Cyllido Addysg Uwch Cymru a gweithio gydag academyddion ar brosiectau sy’n defnyddio prosesau deialogaidd i ymgysylltu â chymunedau a chyd-greu atebion.
Chwefror 2023
Sgiliau a Hyfforddiant
Cynnal gweithdai ar brosesau deialogaidd ar gyfer myfyrwyr gradd Meistr mewn Newid Ymddygiad a staff y brifysgol, gan ganolbwyntio ar beth mae cynllunio ac ymarfer deialog yn unigol yn ei olygu.
Tachwedd 2022
Digwyddiad Lansio
Sgwrs agored ar y pwnc ‘Deialog a natur gwybod, adnabod a gweld’ gyda chyn-Archesgob Caergrawnt, yr Athro Rowan Williams, a’r bardd arobryn ac Athro yn y Gymraeg ac Astudiaethau Celtaidd, Mererid Hopwood, i lansio’r Ganolfan Ddeialog.